Tibo grabe sa tarak ng pinsan

NAUWI sa trahedya ang masayang inuman nang pagsasaksakin ang 33-anyos tomboy ng sariling pinsan, nang tuksuhing torpe sa panliligaw ng kapwa babae, sa Taguig City kamakalawa ng ha-tinggabi .

Kinilala ni Taguig police chief Senior Supt. Arthur Felix Asis, ang biktimang si Janita Pre-Era, mensahera, ng 27-B Taal St., Palar Village, Brgy Pinagsama, at kasalukuyang tinutugis ng pulisya ang tumakas na suspek na si Kheiper Ba-layang, 20, residente rin sa lugar.

Sa ulat nina PO3 Eric Escobia at PO2 Victor Amado Biete, ng Investigation Detective & management Section (IDMS), dumating sa  lugar ang biktima, kasama ang ilang kababaihan na kasamahan sa trabaho noong Sabado, dakong 12:30 ng hatinggabi para mag-inuman kasama ang suspek na si Balayang.

Habang nagkakasa-yahan, kinantiyawan ng grupo si Balayang na hindi pa nakakukuha ng nobya dahil torpe at nadaig pa ng pinsang tomboy na may kinakasama na.

Nainsulto umano ang suspek kaya’t kumuha ng basyo ng bote at ipinalo sa ulo ng pinsan. Hindi pa nasiyahan, bumunot pa ng patalim at pinagsasaksak ang biktima saka ginilitan sa leeg at mabilis na tumakas.

Agad isinugod ang biktima ng kalive-in na si Juilie Ann, sa Taguig Pateros District Hospital, na ngayon ay masusing inoobserbahan ng mga doktor.  (JAJA GARCIA)