Negosyante todas sa ambush (Ate ng suspek tinalo)

PITONG bala ng kalibre.45 pistol ang pumatay sa 46-anyos negosyante matapos pagbabarilin ng dalawang sakay ng motorsiklo kamakalawa ng umaga sa Antipolo City.

Kinilala ni Supt. Arthur Masungsong, chief of police, ang biktimang si Florencio Flores, nakatira sa #10 Bayabas St., Brgy. Cupang ng lungsod, habang mabilis na tumakas ang dalawang suspek sakay ng motorsiklong walang plaka.

Sa imbestigasyon ni PO3 Renato Abalos, dakong 6:15 a.m. nang pagbabarilin ang biktima ng mga suspek habang nakatayo sa harap ng kanyang bahay sa Bayabas St., ng lungsod.

Nakuha sa lugar ng krimen ang pitong basyo ng kal. 45 pistol, isang live ammos, 3 deformed slugs at pito pang deformed slugs na nakabalot sa puting bond paper at may nakasulat na “Putang Ina mo, Pinakiusapan Na Kita, Wag Yang Ate Ko, Makulit Ka Yan Ang Bagay Sayo…Puts Ina Mo.”

Hinala ng pulisya, posibleng nagkaroon ng relasyon ang ate ng salarin na ikinagalit ng suspek dahil may asawa na ang biktima na dahilan ng brutal na pagpatay sa kanya.     (ED MORENO)