HATAW! D'yaryo ng Bayan hatawtabloid.com
Sa laro ng Ginebra ay namataan namin ang Miss Universe 3rd runner-up na si Ariella Arida kasama ang kanyang non-showbiz boyfriend. Nakaupo ang dalawa sa likod ng bench ng Ginebra at kitang-kita ang kasiyahan ng beauty queen dahil ito ang unang beses niyang makapanood ng basketball.
Ayon kay Ariella, nag-relax siya sa PBA dahil naging sobrang busy ang kanyang schedule mula noong sumali siya sa Miss Universe sa Russia noong Disyembre.
Bago siya pumunta sa PBA ay naging guest si Ariella sa ASAP 19 kasama ang ilang mga beauty queen.
Sa ngayon ay hindi pa iniisip ni Ariella ang mga susunod niyang plano pagkatapos ng pagsali sa Miss Universe pero pagkatapos ng Bb. Pilipinas sa Abril ay ihahayag niya kung ano ang susunod niyang gagawin.
James Ty III
