HATAW! D'yaryo ng Bayan hatawtabloid.com
DAHIL curious kami sa loveteam nina Nash Aguas at Alexa Ilacad ay pinanood namin ang Wansapanataym noong Sabado, Enero 4 na ang episode ay Enchanted House na sa gabi lang nagpapakita ang magulang ng dalaga na sina Dominic Ochoa bilang ama na nagiging rocking chair, ang mama Nikki Valdez na isang pusa, at lolong si Jaime Fabregas na isang teacup.
Binata na si Nash kaya nagulat kami dahil huli namin siyang naka-tsikahan para sa isang serye ay pitong (7) taong gulang pa lang siya na ang pinanonood ay National Geographic dahil gusto raw niyang maging Scientist paglaki.
At ngayong malaki na siya, ito pa rin kaya ang ambisyon niya?
Anyway, mukhang nabihag nina Nash at Alexa ang manonood dahil base sa datos ng Kantar Medianoong Sabado (Enero 4) ay nakuha nito ang number one. slot sa overall weekend TV program sa pilot episode na Enchanted House na nakakuha ng 27.2% sa national TV ratings o halos 15 puntos na kalamangan kompara sa nakuhang 12.5% ng katapat nitong programa sa GMA na Vampire Ang Daddy Ko.
Bukod sa ratings ay wagi rin ang tambalan nina Nash at Alexa (N-Lex) sa sikat na microblogging site na Twitter, na agad naging nationwide trending topics ang mga hashtag na#NLexWansaEnchanted House at # NashAguasWansaEnchantedHouse.
Kaya nakatitiyak na muling aabangan ng viewers ang Wansapanataym ngayong Sabado (Enero 11) lalo na ngayong unti-unti nang nabubuo ang magandang samahan nina Philip (Nash) at Alice (Alexa).
Magbabago ba ang pagtingin ni Philip kay Alice kapag nalaman niya ang sikreto ng pamilya nito? Ano nga ba ang kanilang gagawin kapag nalaman nila na ang ina ni Philip ang nagbigay ng sumpa sa mga magulang ni Alice?
Kasama rin sa Enchanted House episode sina Ara Mina, Candy Pangilinan, Celine Lim, Brace Arquiza, Marikit Morales, at Aldred Gatchalian mula sa panulat ni Reggie Amigo at direksiyon ni Erick Salud.
Reggee Bonoan
