Jinggoy umamin sa realignment ng Pork Barrel (Hindi ko ibinigay sa tatay ko, sa mga taga-Maynila ko ipina-realign)

NATAWA naman ako kay Senator JINGGOY ESTRADA, hindi raw niya ibinigay sa tatay niya ang kanyang Priority Development Assistance Fund (PDAF) o PORK BARREL kundi sa mga taga-Maynila raw.

Hindi nga?!

Kung hindi tayo nagkakamali, bukod tanging si Sen. JINGGOY lang ang nag-realign ng kanyang PDAF sa local government unit (LGU), habang ‘yung ibang Senador ay sa mga line agencies nila ipinagkaloob ang kanilang PDAF.

Naalala ko tuloy noong minsang nagkita kami ni Sen. Jinggoy sa induction ng isang PRESS CORPS na kapwa kami panauhin.

Presidente pa tayo ng National Press Club (NPC) noon.

Inalok niya tayo na magbibigay umano siya ng P300,000 sa NPC.

Itinanong ko naman kung paano makukuha.

Makipag-ugnayan lang daw ako kay Navotas Mayor Toby Tiangco (noon iyon) kasi roon daw niya ipadaraan ang ‘tulong’ niya sa NPC.

Buti na lang hindi na ako nagpursige kasi ‘KUKUPITIN’ pa pala ‘yun.

Hehehehe …

Anyway, Sen. JINGGOY, sa ganyang sistema ninyo ay ipinakikita n’yo lang kung gaano kayo ‘kahusay’ mag-juggle ng PEOPLE’s MONEY.

Kung talagang seryoso kayong tumulong bakit hindi ninyo deretsong ilaan para sa kalusugan at edukasyon ng mga kabataan natin sa sulok o dulo ng mga probinsiyang hindi naaabot ng sibilisasyon at ng serbosyo ng gobyerno.

O ‘di ba?!

Yakang-yaka nang mag-produce ng pera ng ERPAT mo … e beteranong manlulustay este politiko na ‘yan.

Alam na niya kung paano popondohan ang lugar niya … nand’yan pa rin naman ang mga Intsik na sumuporta sa kanya noong nakaraang eleksiyon ‘di ba?

Spare PEOPLE’s MONEY … ibigay mo na ‘yan sa tunay na nangangailangan … ‘wag mo nang gamin sa pamomolitika …

Pwede ba?!

K-ONE SA BINONDO TULOY PA RIN SA HUMAN TRAFFICKING

WALA talagang takot ang operator ng K-ONE KTV Club d’yan sa Fernando St., Binondo.

Tuloy ang prostitusyon ng mga China girl.

At mukhang hindi napapansin ng mga awtoridad.

Bakit kaya?

Dahil mahusay trumabaho ang operator?!

O mahusay umareglo ang financier?!

Paging National Bureau of Investigation (NBI) anti-human trafficking operatives and Manila Police District (MPD) intelligence group, kailan n’yo tatrabahuin ang K-ONE KTV?!

Kapag nagka-ALAM-an na?!

Aba e KUMILOS kayo!

MPD PS-10 KERNEL OPRING IPINANGONGOLEKTONG NA SA PANDACAN

(ANG PAGBABALIK NG KOLEKTONG NA SI TATA TANDANG BISAYA)

DALAWANG linggo pa lamang sa kanyang puwesto bilang MPD PS-10 (Pandacan Station) commander si P/Supt. Alfredo Opriasa pero agad UMUGONG ang KOLEK-TONG activities ng ilang  tulis ‘este’ PULIS sa AOR ng PANDACAN.

Base sa reklamo na ipinarating sa atin, isang PO1 na close-in bata-batuta umano ni Kernel Opriasa ang katiwaldas ‘este’ katiwala sa mga ‘PARATING’  mula sa mga ilegalista sa Pandacan.

Alama mo ba Kernel Opriasa na ipinang-iikot na ng ilang kamoteng lespu mo ang estasyon mo?

Ang araw ng ENGRESO ng mga INTELIHENSYA galing sa mga gambling operator ay araw ng MIYERKOLES.

Isang MATANDA at BISAYANG LESPU ang   nagpapakilalang tagapamahala ng TARA y TANGGA na kinukobra sa mga 1602 operator na sina EDNA D. ROSARIO/TATA FUCKNOY at si BOY ABANG.

Dati na raw HINAWAKAN ni TATA BISAYA sa pangongolektong ang Pandacan police station noong aktibo pa siya sa serbisyo.

Dati rin bagman ng Manila City Hall MASA si TATA BISAYA pero sinibak daw dahil nabisto ang pambubukol na ginagawa umano kay Major Irinco!?

PNP-NCRPO Director Carmelo Valmoria, ano ba ang dapat gawin sa isang MATANDA at RETIRADONG PULIS na UTAK ng KOLEKTONG sa PNP?

Totoo ba Kernel Opriasa na ang dating QUOTA ng MPD – PANDACAN STATION ay nasa P60k-100k lamang kada linggo pero ngayon ay naka-JACK-UP na sa P100k-150k?

Ganyan daw kasi kabagsik si TATA TANDANG BISAYA sa mga TABAKOHAN at PAGKAKA-KWARTAHAN sa PANDACAN, MAYNILA.

FYI Kernel Opriasa, sabi ng BULABOG BOYS sa area mo ay paka-INGAT ka at NAG-IIYAKAN na ang gambling lords sa TAAS ng INIATANG na TANGGA sa kanila ni TATA TANDANG BISAYA na sinasabing UTOS mo raw!?

Kernel Opriasa, huwag kang makalimot magbaon ng BIOGESIC at magdala ng HELMET para hindi ka masaktan sa mga BUKOL na aabutin mo kay Tandang Bisaya.

Baka bukas – makalawa ay MAIINDULTO ka at baka outside NCR pa ang abutin mo!?

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com