HATAW! D'yaryo ng Bayan hatawtabloid.com
HINDI masasabi ni Petron Blaze coach Gee Abanilla kung kailan talaga babalik sa court ang sentro ng Boosters na si Junmar Fajardo.
Sinabi ni Abanila na magiging dahan-dahan ang paggaling ni Fajardo mula sa kanyang pilay sa tuhod.
“Hindi pa natin masabi kung kailan,” wika ni Abanilla. “He’s still day to day. His capacity to practice will depend on his body’s readiness.”
Napilay si Fajardo sa ensayo ng Petron noong Disyembre 23 at hindi na siya nakapaglaro kontra Ginebra at Talk ‘n Text.
Pero kahit paano, nasanay ang Boosters sa pagkawala ni Fajardo nang tinalo nila ang Tropang Texters noong Sabado.
“Basta naglaro kami,” ani PBA 2013 MVP Arwind Santos. “Kahit wala si June Mar, naniniwala pa rin kami sa isa’t isa at sa kakayahan namin.”
“Pinapakita ng mga coaches namin sa video yung kakayahan namin kaya sa amin, tinanggal namin sa isip namin na wala si June Mar. So far, maganda naman ang tinatakbo ng team at nag-work naman.”
Balik-aksyon ang Boosters sa Enero 8 kontra Barako Bull.
(JAMES TY III)
