HATAW! D'yaryo ng Bayan hatawtabloid.com
HINDI na mapigil ang paglabas ng katotohanan.
‘Yun nga lang, news reporters and police investigators must dig deeper to reveal the truth.
Hindi lamang si Jerry Sy, ang Chinese national na nanghabol ng saksak ang dapat imbestigahan …
Dapat din imbestigahan ang hinabol niya ng saksak na si Joseph Ang.
Makailang beses na namin naikolum sa BULABUGIN si Joseph Ang dahil sa kanyang bigtime money laundering operations at tax evasion sa Resorts World Casino Manila.
Kung money laundering scheme at tax evasion ang pag-uusapan, masasabi nating No. 1 ‘yang si Joseph Ang.
Si Joseph Ang ay hindi ahente ng Ringson’s International office na isang pekeng kompanya. Malakas ang ugong sa RW casino na siya mismo ang main operator nito.
Bukod tanging siya lamang ang mayroong VIP gaming room sa 3rd floor ng Resorts World Manila.
Sa VIP room na ito sinasabing nangyayari ang money laundering scheme ni Joseph Ang na ang pangunahing kliyente ay mga miyembro umano ng Chinese Triad.
Isa pa rito ang isang empleyado umano ng RW Casino na si alias Eric Ayao a.k.a. Ecstacy Boy na naging kasosyo niya sa pagpi-finance sa casino.
FYI, Madam KIM HENARES ng BIR, ayon sa ating impormante, ‘yang si Joseph Ang ay dating BUGAW lang sa isang mumurahing Karaoke club sa Ongpin pero ngayon ay SUMIRIT na ang yaman at naging No. 1 money launderer pa sa CASINO.
Mukhang mayroong malalim na istorya sa SAKSAKAN INCIDENT na ito.
Kalkalin!
FRUIT VENDORS SA DIVISORIA NAG-IYAKAN DAHIL KAY ONSE BAGMAN a.k.a. MR. FRUIT SALAD
KAHAPON ay nagawi tayo sa Manila Police District Press Corps office, dahil naimbitahan tayo sa kanilang munting salo-salo.
At isa nga sa ‘GOOD NEWS’ e nalaman natin na si Supt. Alexander ‘Yanqui’ Yanquiling, Jr., ‘e ang bagong station commander ng MPD (PS 5) Ermita Station.
Congratulations, Yanqui!
Back to Mr. ONSE BAGMAN a.k.a. TATA BONG KRUS hindi po sinasadyang namataan natin siya at ang isang POLICE MOBILE CAR, na punong-puno ng boxes of different fruits.
Sa dami ng kahon-kahong prutas na naroon sa nasabing POLICE MOBILE e masasabi natin na maraming FRUIT VENDORS ang nag-iyakan.
Pero higit tayong nagulat dahil, ang nakita nating nagmamando na ibaba ang mga prutas ay si TATA BONG KRUS.
Mukhang maraming pagdadalhan sa MPD HEADQUARTERS ang ‘sikat’ na BAGMAN ng ONSE.
By the way, KERNEL YANQUI, alam mo ba na si BAGMAN TATA BONG ay d’yan naka-DEPLOY sa MPD PS5? Pero marami ang nagtataka kung bakit sa Binondo ONSE at Divisoria siya naglalagare sa pangongolektong?!
Mukhang may masasampolan ka, KERNEL YANQUI!
Paki-TESTING nga kung sino ang IIYAK sa MPD HEADQUARTERS kapag nasampolan mo si BONG CRUZ, Kernel Yanqui.
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
