HATAW! D'yaryo ng Bayan hatawtabloid.com
MAGKAKAROON ng exhibition game sa pagitan ng North Korean team at NBA veterans sa susunod na buwan.
Kaya naman nagpa-tryout ang dating NBA star Dennis Rodman para sa NK team.
Ayon kay Hall of Famer, tuloy ang laro sa Enero 8, bagama’t ilan sa 12 Americans na gusto niya sa team ay takot pumunta sa Korea.
“You know, they’re still afraid to come here, but I’m just telling them, you know, don’t be afraid man, it’s all love, it’s all love here,” ani Rodman sa The Associated Press pagkatapos ng tryouts sa Pyongyang Indoor Gymnasium.
Humihitit ng tabako si Rodman habang pinanood ang ilang local players na nag-tryout.
Sinabi naman ni Rodman na magbibigay ito ng bagong pares ng tennis shoes sa players na mapipili.
Makakalaro ng dating NBA players ang mga North Koreans sa first half, bago pagsasama-samahin ang teams sa second half.
“It’s not about win or loss. It’s about one thing — unite two countries,” ani pa ni Rodman.
ni ARABELA PRINCESS DAWA
