HATAW! D'yaryo ng Bayan hatawtabloid.com
Natapos na ang isinagawang imbestigasyon ng Philippine Racing Commission (Philracom) sa insidenteng kinasangkutan ni Hagdang Bato, na ikinatalo nito sa nakaraang PCSO Presidential Gold Cup noong Disyembre 1 sa bakuran ng San Lazaro Leisure Park sa Carmona, Cavite at napatunayan sa imbestigasyon na nagkaroon ng pagkukulang ang Manila Jockey Club Inc. (MJCI).
Subalit parang natapos ng wala lang sa MJCI ang nangyaring insidente na hindi man lamang humingi ng tawad sa publiko ang management at pangasiwaan ng SLLP.
Hindi lamang nagkamali ang MJCI kay Mandaluyong City Mayor Benjamin “Benhur” Abalos Jr.,higit sa lahat sa publiko dahil hindi nagampanan ng Board of Steward ang kanilang trabaho para protektahan ang interes ng publiko.
Ang inisip lamang ng MJCI ay ang kumita ng malaki at tila nanghihinayang sila sa ibabalik na taya sa mga karerista na tumangkilik ng PGC.
Isang maikling “Sorry” lang ang hinihintay ng bayang karerista at ni Mayor Abalos mula sa pangasiwaan ng SLLP sa kanilang pagkakamali.
Hanggang ngayon ay nagmamatigas ang MJCI na kanilang pinaninindigan na walang naganap na false start sa karera ng PGC kahit napatunayan sa nagkaroon ng depekto ang pintuan ni Hagdang Bato sa starting gate nang simulan ang karera.
Sadyang makapal ang mukha ng SLLP lalo na ang mga miyembro ng board of steward na pinamumunuan ni Johnny Cruz sa pagsasabing wala silang nakita.
Buwiset, magsilayas na kayo dyan sa SLLP, wala kayong puwang sa industriya lalo na ang mayabang na si Sabat na talaga namang nanindigan na wala silang kasalanan.
Sorry lang po ang hinihingi namin, sa libo-libong pinerwisyu n’yo.
Ni andy yabot
