Hindi ako nanghihingi sa fans — Richard Yap

NAGBIGAY ng pahayag si Richard Yap tungkol sa lumabas na blind item tungkol sa kaniya na umano’y nanghihingi siya ng mga regalo sa kanyang fans sa pamamagitan ng pagpo-post sa kanyang Twitter account.

“I’ve heard that and if you can go through all my tweets ay wala akong hinihingi sa kahit na kanino. As much as possible ‘pag may nagsabi na ‘what do you want?’ ang sinasabi ko ‘you don’t need to bring anything,” sabi ni Richard.

Dagdag niya, “At saka lahat ng mayroon ako ay mayroon na ako noong hindi pa ako pumasok ng showbiz. ‘Yung bahay ko, ‘yung mga kotse ko. Hindi ako nagba-brag. When I was still in kindergarten ay may Rolex na ako so I don’t have to ask from anyone and kaya kong trabahuhin lahat ng ito.”

So ayan, malinaw na sa nag-blind item na hindi nanghihingi si Richard ng gifts from his fans. Na wala siyang itini-tweet para manghingi ng regalo.

Rommel Placente