HATAW! D'yaryo ng Bayan hatawtabloid.com
ILANG araw pa lang ng pag-upo ng bagong hepe ng Metro Manila na si Chief Supt. Carmelo Valmoria bilang National Capital Region Police Office Director ay mahaba na raw agad ang pila ng mga galamay ng kung sino-sinong gambling lords at ilegalista para makalapit at agarang makilala kung sino ang ‘bagman.’
Tama ba Fred at Rolly?! Kayo nga ba ang opisyal na pagmamanohan ng sangkaterbang mga kolektor para sa mga intelehensiya.
Si Chief Supt. Valmoria ang pumalit kay Gen. Marcelo Garbo, Jr., na na-promote at ngayon ay itinalagang Philippine National Police Directorial Staff Chief.
Hahamunin natin ngayon ang power ni Gen. Valmoria kung paano niya haharapin ang ‘payola’ mula sa mga gambling lord na nag-o-operate ng jueteng, loteng, bookies at jai-alai sa NCR.
Narito ang ilan sa mga mamamahagi ng pamasko (all year round) sa NCRPO BICUTAN base na rin sa timbre ng ating mga impormante… nariyan sina Tony Santos o “Bolok Santos” na kilalang gambling lord mula sa Marikina City na nag-o-operate hanggang Camanava, Pasig City at Rizal province na may naipundar na malalaking bahay sa Marikina at sa Brgy. San Antonio, Pasig City.
Ilan sa mga sinasabing lider ng mga kabo ay ang mga nagngangalang Mayo “May” dela Rosa na residente ng Dr. Sixto Antonio Ave., Brgy. Rosario, Pasig City; Sina Gigi Kaingat, Roland Mercado na parehong mga kalbo at isang Gary Villanueva ang bumabalwarte sa Caingat compound, Dr. Sixto Antonio Ave., Brgy. Rosario; operator ng loteng sa Pasig City ang mag-asawang Cris at Rose at operator naman sa Quezon City sina Lito Motor, Ver Bikol, Pinong at Don Roman; Edu Falseco na residente naman ng Brgy. Pasong Putik, QC na ang kanyang kapatid na si Vans Dunca ang protektor ng illegal gambling sa Brgy. Pasong Putik.
Egay Lazaro naman ang kolektor ng jueteng at paihi sa Camanava.
Dito makikita natin kung ano ang magiging estratehiya ng bagong pamunuan ng NCRPO.
Kung pananatilihin ba ang intelehensiya o itataas ang tara? O patitigilin muna ang operasyon ng mga gambling lord.
At sino-sino naman kaya ang magsisilbing mga bagong kolektong ng Bicutan na magwawagi sa bidding. Hehehe … Nagtatanong lang po tayo Gen. Valmoria dahil iyan din ang ibinubulong ng mga impormante ng Target.
Si FRED LUMBA alyas “ Fred tisoy “ o si Rolly kupal na gamit ang isang opisyal na si alias Domingo sa Bicutan ang mababasbasan kaya? Sino kaya ang mananalo uli sa bidding ng tong collection sa NCRPO na ang bagyong padrino ay si BEBE Marcelo!
Hak! Hak! Hak! Abangan!
Makinig sa DWAD 1098 khz “ Target on air’ tuwing Martes at sabado 11 am -12 pm mag txt sa 09196612670 / 09167578424 sa sumbong o reklamo o mag email sa [email protected]
Rex Cayanong
