HATAW! D'yaryo ng Bayan hatawtabloid.com
NAKATAKDANG sumargo ang first invitational Mayor Boyet Ynares 10-ball billiards championship sa Disyembre 28, 2013 sa Binangonan Recreation and Conference Center sa Binangonan, Rizal.
Tampok ang top cue artists mula Metro Manila at manggagaling sa probinsiya dakong alas-diyes ng umaga sa one-day 10-ball invitational event na hosted ni Binangonan, Rizal Mayor Boyet Ynares sa pakikipagtulungan ng Puyat Sports at suportado ni Philippine Billiards God Father Aristeo “Putch” Puyat.
Mismong si Filipino hall of famer at double world champion Efren “Bata” Reyes, top player ng Puyat Sports ang mangunguna sa simple opening ceremony bago magsimula ang kompetisyon.
Si Reyes na nagkampeon sa World 9-ball noong 1999 sa Cardiff, Wales at World 8-ball noong 2004 sa Fujairah, UAE ay makikipagtuos kontra kay former Southeast Asian Games gold medallist Victor Arpilleda sa isang exhibition match isa sa highlight ng nasabing affair.
Si Ramon “Maestro Monching” Mistica na gumiba kay Filipino pool legend Jose “Amang” Parica sa mid 80’s ang tournament director sa nasabing billiardsfest na layuning mapalaganap ang larong bilyar sa grassroots-level at para makadiskubre ng future world champion.
Kabilang sa mga nagpatala na imbitadong pool wizards ay sina Edgar “Malabon” Acaba, Romeo “Salamin” Del Rosario, Rodrigo “Edgie Marilao” Geronimo, Kenken Arpilleda, Danny Joy Trazona, Alex Lumpay, Tata “Puti” Bautista at former World Junior of pool 3rd placer Jonas Magpantay.
(Marlon Bernardino
