Pamilya isinumpa ng Japanese na nagbigti

CAMP OLIVAS, Pampanga – Nagbigti sa tabi ng kanilang hagdan ang isang 66-anyos Japanese national makaraang hiwalayan ng asawa at isinama ang kanilang mga anak, sa Phase 3, Blk. 11, Lot 72-73, Highview Hills, Brgy. Sampaloc, bayan ng Apalit.

Matigas nang bangkay nang matagpuan kamakalawa ang biktimang si Yoshio Ueba nang tunguhin ng mga barangay official ang nasabing bahay dahil sa masangsang na amoy.

Ayon kay PO3 Carlo B. Duyao, maaaring ilang araw nang patay ang biktima dahil ayon sa mga kapitbahay ay hindi na lumalabas ang biktima matapos iwanan ng pamilya.

Sa pader ng bahay ay natagpuan ng mga awtoridad ang nadikit na papel na may nakasulat na katagang “Ryan, Marilou, Hell is go to Curse, Ryan, Marilou, Fabian Family, Hell is go to Curse. This Grudge Unforgettable. This House at Live, Man all Curse Kill. Here at House my Grave, at This House at Live man all curse Kill.”

Natagpuan din malapit sa bangkay ng biktima ang ilang bote ng alak at baling samurai.

ni LEONY AREVALO