HATAW! D'yaryo ng Bayan hatawtabloid.com
TACLOBAN CITY – Dumating sa Tacloban City dakong 1 p.m. kahapon si Canadian pop superstar Justin Bieber sakay ng private plane para dalawin ang Yolanda survivors.
Agad siyang pinagkaguluhan mula sa airport ng kanyang fans na pawang survivors ng nagdaang super typhoon.
Sobrang higpit ng seguridad at hindi basta-basta makalapit ang mga mamamahayag.
Mas binigyan prayoridad ang mga bata na mga biktima sa ilan niyang schedule.
Kabilang sa tinungo ni Bieber ay ang grandstand ng Leyte Sports Center at naghandog ng awitin, habang hindi naman magkamayaw ang mga bata at nag-agawan sa paglapit sa kanya.
Kinantahan ni Justin ng “Happy Birthday” song ang isang bata na may kaarawan sa City Central School na isa sa evacuation centers.
Ayon sa mga survivor, wala silang kaalam-alam na tutungo sa syudad ang mang-aawit.
