P10-K bonus sa DoLE workers

INIANUNSYO ni Pangulong Benigno “Noynoy” Aquino III ang P10,000 bonus ng mga manggagawa sa Department of Labor and Employment (DoLE)

Ginawa ito ng Pangulong Aquino sa 80th anniversary ng DoLE sa Quezon City.

Sinabi ng Pangulong Aquino, bilang insentibo ito sa kasipagan at dedikasyon ng mga kawani ng DoLE sa paglikha ng mga trabaho.

Ayon sa Pangulong Aquino, partikular na kahanga-hanga ang agarang pagkilos ng DoLE sa paglikha ng emergency employment sa mga sinalanta ng bagyong Yolanda.

Umaasa ang Pangulong Aquino na lalo pang maengganyo ang mga empleyado ng DoLE sa pamamagitan ng bonus para pagbutihin pa ang trabaho.

(ROSE NOVENARIO)