PacMan ‘di na lalabanan si Marquez?

PAGKARAANG na manalo noong nakaraang linggo si Manny Pacquiao kay Brandon Rios via unanimous decision, marami ang nagsasabing nagbalik na nga ang dating bagsik ng Pambansang Kamao sa ring.

Sa Venetian Resort’s Coati Arena ay nasaksihan ng boxing fans kung paano pinaglaruan sa loob ng 12 rounds ng Pinoy pug ang future ng boksing na si Rios pagkatapos ng masaklap ng paghiga sa canvas ni Pacman sa Kamao ni Juan Manuel Maquez noong nakaraang taon.

Sa naging panalo ni Pacquiao kay Rios ay nagkaroon agad ng assessment si veteran trainer at dating two-division world champion Roger Mayweather.

“I know he aint going to fight Marquez again,” pahayag ni Roger.. “I guess he probably have to go back and fight somebody.”

Sa himig ng pananalita ni Roger ay parang sinasabi nito na may takot na si Pacman kay Marquez kung kaya iiwas muna  itong kaharapin pa ang kontrapelong boksingero.

Ngunit naniniwala rin siya na temporaryo lang ang takot na iyon dahil isang warrior si Pacquiao na babangon para buweltahan ang muntik nang sumira sa kanyang career.

Posible pa ring mangyari ang paghaharap nina Pacman at Marquez pero bago iyon ay kailangang talunin muna ng Pinoy pug si Tim Bradley na tumalo rin sa kanya sa isang kontrobersiyal na split decision noong 2012.

“He can fight Bradley; that’s a good fight for him,” sabi ni Roger. “Timothy Bradley is a good fight for him. I think he’s going to give Pacquiao problems anyways. The thing of it is, hey, it’s going to be a good fight. One way or the other it’s still a good fight.

“And people are going to point to that as a thing to fight Floyd,” dagdag pa ni Roger. “That’s the kind of bout that would bring Pacquiao back. Because Timothy Bradley’s got a good name.”

Pero katulad ng hiling ng mundo ng boksing, naniniwala si Roger na dapat magkaroon ng realisasyon ang paghaharap nina Pacman at Floyd sa hinaharap.

“Obviously he’d have to stop the guy in order for [people] to say ‘you got a chance with Floyd,’” pagtatapos ni Roger.