HATAW! D'yaryo ng Bayan hatawtabloid.com
NALAPNOS ang katawan ng isang lalaki nang matapakan ang live wire matapos umahon sa swimming pool sa isang resort sa Binalonan, Pangasinan.
Patay agad ang biktimang si Jestoni Dela Cruz, 23, ng Zone 1, Brgy. Bued, ng nabanggit na bayan.
Nabatid na naliligo ang biktima at sa pag-ahon ay hindi namalayan ang live wire kaya natapakan ito.
Depensa ng pamunuan ng resort, nakita nilang nabagok ang ulo ng biktima matapos mag-dive at tumama ito sa tiles ng swimming pool.
Iniimbestigahan ng mga awtoridad ang insidente habang desidido ang pamilya ng biktima na sampahan ng kaso ang pamunuan ng naturang resort. (BETH JULIAN)
