Nanuba ng utang grabe sa tarak ng vendor

KRITIKAL ang  isang mister matapos singilin at hindi makapagbayad ng utang sa isang vendor sa Malabon City, kamakalawa  ng hapon .

Kritikal ang kalagayan sa Jose Reyes Memorial Medical Center (JRMMC) ang biktimang si Antonio Tates, 34-anyos, ng 400 Sitio Gulayan, Brgy. Catmon, sanhi ng  dalawang saksak sa dibdib.

Agad naaresto ang suspek na si Jessie Ratoni, 59-anyos, vendor at residente  ng Sitio 6 ng na-sabing barangay na nahaharap sa kasong frustrated homicide.

Sa ulat ni PO1 Benjamin Sy, Jr., may hawak ng kaso, dakong 6:10 ng gabi kamakalawa nang maganap ang  insidente  sa kanto ng Gov. Pascual Avenue at Sanciangco St., Brgy. Tonsuya ng lungsod.

Nakaupo umano ang biktima nang lapitan ng suspek at ipaalala rito ang matagal nang pagkakautang na ikinagalit ni Tates hanggang mauwi sa mai-nitang pagtatalo.

Dito na bumunot ng patalim ang suspek at tina-rakan ang biktima na tinamaan sa dibdib.

(rommel sales)