Friday , October 18 2024

PDAF, DAP pahirap!

Isang malapit na kaibigan sa media ang umamin sa akin noong isang linggo na siya ay nilapitan ng isang kaibigan para i-recruit sa grupo na ang layunin ay palakihin ang isyu sa Disbursement Acceleration Program (DAP) na siyang itinuturing na pantakip sa mas malaking isyu ng pandarambong sa priority development assistance fund (PDAF) ng mga mambabatas. Kung napapansin po ninyo, mga kanayon, mula ng mag-privilege speech si Jinggoy Estrada, nagsimula ng gumulong ang DAP isyu. Mukang malinaw na CALCULATED at DELIBERATE  o sadya ang PR campaign sa DAP. At ngayon nga, ang mga dating nag-aakusa laban sa mga sangkot sa PDAF scam ay sila nang dumedepensa sa isyu naman ng DAP. May mali daw sa pagpapalabas ng pondo sa ilalim ng DAP program sapagkat hindi ito naaayon sa batas. Malaki ang punto. Naniniwala din naman po tayo na kung talagang may dapat managot, dapat panagutin. Parusahan ang dapat parusahan kung sumablay ang gobyerno ni P-Noy sa paggamit ng bilyon-bilyong SAVINGS ng pamahalaan.

Ganunpaman, hindi po natin dapat kalimutan ang kaso ng PDAF scam kung saan kinasuhan ng PLUNDER sina Estrada, Juan Ponce Ernile, Bong Revilla, Janet Lim-Napoles at iba pang dating mambabatas.

Ayon sa aking impormante, sadyang napakalking pondo ang inilabas ngayon para pagtakpan ang PDAF scam. Upang ilayo ang mata ng publiko sa mga sangkot dito at ibaling ang sisi sa mga miyembro ng Gabinete gaya ni Budget Sec. Butch Abad. Ganiyan naman talaga ang trabaho ng mga SPINMEISTER o mga eksperto sa Crisis Public Relations. Kailangang magpalaki ng isang hiwalay na isyu para maiwaksi ang atensiyon ng taumbayan. Hidni ba kayo nagtataka kung bakit tahimik at walang kaimik-imik na ang mga sangkot sa PDAF scam?

Ang DAP naman, hinihintay lamang po nating may isang magsampa ng kaso. Pero hanggan sa ngayon ay tila wala pang interesdao. Ninanamnam pa ng mga OPERATOR ang PR value nito.

Saganang akin, kahit PDAF o DAP pareho lamang ‘yang pahirap. Pahirap dahil hindi naman bumababa sa pinakamaliliit nating mamayan ang biyaya ng mag pondong ito. Kung hindi sa mag palpak na proyekto, shoot ang pera sa bulsa ng ilang politiko at opisyal ng gobyerno.

E saan naman tayo lalagay niyan?

Joel M. Sy Egco

About hataw tabloid

Check Also

Knife Blood

Negosyanteng bebot naningil ng pautang tinodas ng tarak sa dibdib

PATAY ang isang 42-anyos negosyanteng babae nang saksakin ng kanyang sinisingil sa Sitio Stella Maris, …

Magsasaka itinumba sa harap ng mag-ina

BUMULAGTA ang isang magsasaka matapos barilin ng hindi kilalang mga suspek sa harap ng kaniyang …

Over 1,800 career opportunities offered at job fair in SM Center Pulilan

Over 1,800 career opportunities offered at job fair in SM Center Pulilan

Job seekers and companies gather at the recent job fair held at SM Center Pulilan …

Drug den binuwag ng PDEA, 3 tulak timbog sa Pampanga

Drug den binuwag ng PDEA, 3 tulak timbog sa Pampanga

ARESTADO ang tatlong hinihinalang tulak ng ilegal na droga na naaktohan sa loob ng isang …

Arvin Lulu Mommy Lerms Lerma Lulu skin care online sellers

Sa mabilis na pagresolba sa Lulu couple murder case
PRO3 PINURI, ITINAMPOK NG PNP CHIEF

PINURI at kinilala ni PNP Chief P/Gen. Rommel Francisco Marbil ang Police Regional Office 3 …

Leave a Reply

Your email address will not be published. Required fields are marked *