HATAW! D'yaryo ng Bayan hatawtabloid.com
PATAY ang isang Indian national at sugatan ang kanyang dalawang kapatid nang tamba-ngan ng riding-in-tandem sa Unisan, Quezon.
Binawian ng buhay bago idating sa pagamutan ang biktimang si Herjinder Singh, 37.
Ginagamot naman ang dalawang kapatid ng biktima na sina Ja-tinder, 27, at Gurpreet, 23, pawang tubong Moga, India, at kasalukuyang naninirahan sa Brgy. Poblacion 9, Catanauan, Quezon.
Nabatid na sakay ng itim na Toyota Vios ang magkakapatid nang huminto sa tindahang pagmamay-ari ng isang Consuelo Rodil para mangolekta ng pautang.
Nang pasakay na si Gurpreet sa sasakyan ay biglang dumating ang dalawang suspek na sakay ng motorsiko at pinaputukan ang mga biktima.
Inaalam pa ng pulisya ang motibo ng pamamaril sa mga biktima. (BETH JULIAN)
