HATAW! D'yaryo ng Bayan hatawtabloid.com
KRITIKAL ang kalagayan ng isang kelot matapos pagsasaksakin ng birthday boy at bisita niya nang pilit na makitagay at mangulit sa Caloocan City kamakalawa ng hapon.
Patuloy na inoobserbaha sa Caloocan City Medical Center (CCMC) ang biktimang si Eduardo Abellas, 48-anyos, residente ng Phase 3, Dagat-Dagatan dahil sa mga saksak sa katawan.
Mabilis nakatakas ang birthday boy na alyas Miguel at hindi nakilalang bisita niya.
Batay sa ulat, dakong 5:00 ng hapon kamakalawa nang magpainom ang suspek para sa kanyang birthday.
Kahit hindi imbitado ay pilit na nakisali ang biktima saka nanghihingi ng tagay na ikinairita ng mga suspek hanggang magkasabay na bumunot ng patalim at tinarakan ito. (Rommel Sales)
