Christopher, ‘di pa rin kumukupas ang kahusayan

MARAMI mang magsulputang magagaling na batang artista, hindi pa rin kayang pataubin ang isang Christopher de Leon. Kitang-kita pa rin ang husay ni Boyet sa pag-arte.

Kitang-kita ito sa mga eksenang napapanood gabi-gabi sa Muling Buksan Ang Puso ngABS-CBN2. Kapuri-puri rin ang takbo ng istorya ng teleserye dahil may pasabog gabi-gabi.

Tiyak na lalong natutuwa si Enchong Dee sa itinatakbo ng istorya ng MBAP dahil lagi niyang ka-eksena si Boyet.

Sa kuwento kasi’y, nalaman nang si Boyet (bilang Anton) pala ang tunay na ama ni Leonel (Enchong). Akala nami’y lider lamang siya ng isang sindikato, pero unti-unti naming nahuhulaang mayroon kaugnayan si Anton kay Leonel dahil kakaiba ang pakikitungo niya sa binata. Unti-unti na ring lumalabas ang plano ni Anton laban kay Adelina (Susan Roces) at sa buong pamilya nito.

Tiyak na marami ang naloloka sa MBAP dahil sa bilisng istorya at gabi-gabing pasabog. Sa huling tatlong linggong natitira ng istorya, tiyak na lalong titindi pa ang mga tagpo, kaya huwag palalampasin ang bawat gabi nito.

Maricris Valdez Nicasio