P2-M patong sa ulo ng killer/s ni Davantes

Itinaas na sa P2-milyon ang pabuya sa makapagbibigay ng impormasyon sa kaso ng pinaslang na advertising executive na si Kristelle “Kae” Davantes.

Una nang inianunsyo ng Philippine National Police (PNP) na P500,000 ang pabuya sa magbibigay impormasyon sa ikadarakip ng (mga) suspek.

Ngunit dakong 9:50, Lunes ng gabi, itinaas ito sa P2-milyon, ayon sa PNP-PIO sa pangunguna ni  Sr. Supt. Reuben Sindac.

Maaaring magbigay impormasyon ang sinoman sa PNP-SMS sa numerong 0917-8475757 o sa trunkline ng PNP na 723 04 01 hanggang 20.

Pwede rin sa Twitter  @Ireport_krimen o kaya sa PNP-PIO sa Facebook o kaya’y magtungo sa pinakamalapit na tanggapan ng pulisya.