Nilayasan ng live-in karpintero nagbigti

LAOAG CITY – Nagbigti ang isang karpintero matapos layasan ng kanyang live-in partner sa Badoc Ilocos Norte.

Kinilala ang biktimang si Jose Espejo, 32, residente ng Brgy. Canaam, Badoc.

Ayon kay S/Insp. Leonardo Tolentino, hepe ng Badoc PNP, lasing ang biktima at nanggulo sa kanilang bahay kaya’t nilayasan ng kanyang partner.

Sinabi ng ina ni Espejo, nagulat na lamang sila nang makita ang kanyang anak na nakabitin sa loob ng kwarto at patay na.

Isang kable ng elektrisidad ang ginamit ng biktima sa kanyang pagbibigti. (BETH JULIAN)