Lloydie at Echo, naghahanda na isang comedy show

MUKHANG may preparasyon na si John Lloyd Cruz sa nilulutong sitcom para sa kanya dahil sasabak siya sa comedy show kasama si Jericho Rosales.

Magsisimula ang tawanan kasama si Echo bilang guest star ng sitcom na pinagbibidahan nina Angel Locsin, Vhong Navarro, at Ai-Ai delas Alas. Sa Toda Max, gumanap si Echo bilang isang sikat na celebrity chef na si Sir Chef, na darating sa Beverly Gils para i-promote ang cooking show niyang Be Careful With My Cooking. Doon ay nakilala niya si Justin (Vhong Navarro) na nag-apply para maging assistant chef. Ang kaso, sa pagtatrabaho nila, may nalamang sikreto si Justin tungkol sa celebrity chef na nakasisira sa kanyang career.

Samantala, si Lloydie naman ay kasama ng mga paboritong bulilit ng Pinoy TV sa sikat na kiddie gag show na Goin’ Bulilit. Kasama si Lloydie sa mga gag at nag-guest star siya sa segment ni Aaliyah Belmoro n Mutyaya ng Masa at sa How? How? With Islawkasama si Clarence Delgado.

Para rin makasabay sa mga kasalukuyang nababalitaan, up-to-date rin inihatid na balita ng cast ng Banana Split: Extra Scoop noong Sabado (Setyembre 14). May mga pagbubunyag din tungkol sa pagbubuntis ni Melai Cantiveros. Pinag-usapan din ang kakatapos lamang na Star Magic Ball at gumanap pa bilang si Janet Napoles si Donya Bading (Jayson Gainza).

Sa hit teen series naman na LUV U ay may conflict din na kinailangang ayusin. Naisip ni Marj (Mika dela Cruz) na panahon na para pagbatiin ang mga kaibigan niyang sina Lexie (Alexa Ilacad) at Shirley (Sharlene San Pedro) sa kaaway nilang grupo na the Breakers na sina Benj (Nash Aguas), Drake (Jairus Aquino), at Archie (Kobi Vidanes).

Huwag palampasin ang panonood ng Toda Max at Banana Split: Extra Scoop.        (ROLDAN CASTRO)