Mitchell planong palitan ng TNT

DAHIL sa 122-88 na pagkatalo kontra Petron Blaze noong isang gabi, pinaplano na ng Talk ‘n Text na pauuwiin na ang import nitong si Tony Mitchell.

Nalimitahan si Mitchell sa pitong puntos sa laro kontra Blaze Boosters at dahil dito, nanganganib ang TNT na maagang magbakasyon sa PBA Governors’ Cup.

Inamin ng team manager ng Tropang Texters na si Aboy Castro na nag-aalala si coach Norman Black sa pagiging buwaya ni Mitchell kaya nasisira ang diskarte ng koponan.

Pinabangko ni Black si Mitchell sa unang bahagi ng ikatlong quarter kaya tuluyang nakalayo ang Boosters.

“We just wanted more energy so we took him (Mitchell) out. We tried that, pero lumobo na ng husto ang lamang. Tambak na,” wika ni Castro. “We’ll take a look (mamaya kontra Air21) and see how it goes. Ganun talaga eh. Parang playoff basketball lang iyan, that’s why nung tambak na kami we rested him (Mitchell) and Ranidel (de Ocampo).”         (James Ty III)