Asan na ang BOC revamp plan?

NASAAN na ang proposed revamp plan na inihanda ni Commissioner Biazon para sa rigodon ng kanyang 54 port collectors?

Tila nabahura sa palasyo sa opis ni Executive Secretary Jojo Ochoa o kaya sa ofis ni Finance Secretary Cesar Purisima. Base sa ulat ni Commissioner Biazon kanya nang naisumite sa ofis ni Purisima for endorsement to Malacañang bago i-review at pagkatapos ibabalik sa Bureau via Department of Finance (DOF) for implementation.

Tila nawala na ang impact ng binabantayan ng marami na hatol sa mga collector. Anim sa kanila ay mga presidential appointee kaya hindi rin sila basta pupuwedeng sibakin kung walang go signal si PNoy. Pero dahil mismong si PNoy ay nagugulahan sa Napoles issue posibleng tumagal lalo ang pagbalasa. Kung sa panabong na manok baka sa kawali ang tuloy nito matuloy man dahil matagal nang walang balasa. Baka nga magmukha pang tinolang manok.

Seriously speaking, napapanahon pa ba na ituloy ang pagbalasa sa last quarter ng taon (September-December) na tinatawag nating “Ber” months. Ito ang season na dagsa-dagsa ang mga importation para sa Christmas holidays.

May kasabihan tayo na why change horse in mid-stream? Kung hahaluin nga naman ngayon ang tabakuhan (reshuffle), baka kakailanganin ang lot of adjustment ng mga collector sa palitan na nagaganap. Advisable pa ngayon? O sa umpisa na lang ng taon 2014?

Isa sa mga dahilan kung bakit may ilang sector sa Bureau na iliban na lang ang pagbalasa ay sapagkat matatapos na ang 2013 at ang performance audit (mayroon ba nito?) kakapusin ng panahon. Paano daw ang attrition law na nagre-require ng performance audit sa buong taon, o every quarter. Magiging kulang ang audit dahil nga hindi maisasama sa “Ber”months.

Total naman, hindi nakukuha iyan sa balasahan. Kung talagang malakas ang importation at magaling ang marketing strategy ni Collector makakukuha ng magandang revenue, okay? Kung fatal naman si collector, ibang usapan na ito.

Arnold Atadero