Fernandez tumapos ng 3rd overall sa Sharjah chess open

TUMAPOS  si Arena Grandmaster (AGM) Dandel Fernandez ng  3rd overall sa August Classical Tournament 2021 (Sharjah Chess Open Standard Over the Board) na sumulong  mula Agosto 20 hanggang 26, 2021 sa Sharjah Cultural & Chess Club in Sharjah, United Arab Emirates.

Si Fernandez na employee sa Saudi German Hospital Dubai ay tinalo  si Mariam Essa ng  United Arab Emirates tangan ang itim na piyesa  sa 9th at final round para kumulekta  ng 6 points mula 5 wins, 2 draws at 2 loses.

Parehas sila ng  4th placer Nelman Lagutin at 5th placer Abdulrahman Mohammad Al Taher ng United Arab Emirates.

Si  Fernandez ay inalalayan ng kanyang koponan sa kampanya niya sa World Corporate Chess Championship.

Tinanghal na kampeon si  Candidate Master Mohamed Saeed Laily ng United Arab Emirates na nakapagtipon  ng 7.5 points.

Nakakolekta  naman si Woman Fide Master Al Maamari Wafia Darwish ng United Arab Emirates ng 6.5 points para pumuwesto sa  2nd place.

(MARLON BERNARDINO)