Cinema One, patas sa pagtalakay ng mga MMFF entry; GMA, biased

ANG Cinema One channel ay kapatid ng ABS-CBN. Kamakailan sa showbiz news program nito, featured ang lahat ng mga kalahok sa Metro Manila Film Festival this year.

Bilang extension ng Kapamilya Network, naiintindihan namin kung bakit ganoon katagal ang exposure ng dalawang entries ng Star Cinema: ang Beauty & the Bestie at All You Need is Pag-ibig.

Pero in fairness sa Cinema One, hinati nito sa dalawang segments ang pagtalakay sa iba pang entries considering na mga kalaban ito. Hindi self-serving the nasabing channel.

In fairness, there’s fairness in the news reporting.

In contrast ito noong nagpoprodyus pa ang GMA Films ng mga pelikula. Noon kasing may entry ang naturang kompanya—na ewan kung nag-e-exist pa—biased ang coverage nito sa taunang festival: from the parade na tinatakpan ang pamagat sa float ng mga kalabang entries all the way to reporting the box office figures.

Samantala, sheer luck o suwerte lang talaga ang Vic Sotto-Ai Ai de las Alas movie dahil nakaangkla sila sa AlDub phenomenon. Take the currently popular tandem out of the movie—given the gasgas nang komedi at kakornihan ng nasabing pelikula—poor second ang sasapitin nito sa entry nina Vice Ganda at Coco Martin.

Sa aminin din naman kasi on hindi ni Sotto, sa mga unang araw lang pumapalo ang kanyang taunang filmfest entry, pero pagdating sa huling araw ng commercial run nito ay ang pelikula ni Vice Ganda ang official topgrosser.

HOT, AW! – Ronnie Carrasco III