Taxi driver utas sa saksak ng holdaper

PATAY na ang 57-anyos taxi driver nang matagpuan sa loob ng ipinapasada niyang taxi kamakalawa ng madaling-araw sa Rodriguez, Rizal.

Kinilala ni Senior Supt. Ber-nabe Balba, Rizal PNP director, ang biktimang si Zaldy Tamidles y Mendoza, nakatira sa 43 NIA Road, Brgy. Pinyahan, Quezon City.

Ayon sa imbestigasyon ni PO2 Teodorico Constantino, dakong 2 a.m. nang matagpuan ni Mamerto Macasielo, 47, ang bangkay ng biktima na du-guan at tadtad ng saksak sa driver’s seat ng taxi.

Hinihinala ng mga awtoridad na pumalag ang biktima kaya sinaksak ng holdaper.