It’s Showtime, dapat ng magpalit ng format

MAY mga komento na dapat daw magpalit na ng format ang It’s Showtime dahil masyado na raw itong inilalampaso ng Eat Bulaga!

Hindi na alam ng noontime show ng Dos kung paanong aatakihin ang Eat Bulaga para makalaban sa rating game.

Naroong naghalikan na sina Vice Ganda at Karylle. Hindi ito nag-klik, sa halip marami ang nadesmaya. May asawa na kasi si Karylle, tapos nakikipaghalikan pa sa bakla. Hindi magandang tingnan. Dapat may ibang klase ng pagpapatawa.

Hindi rin gaanong napansin si Pastillas Girl, na humakot pa ng intriga tungkol sa mga lalaking iniuugnay sa kanya.

Ang nakalulungkot lang, ‘pag tsinugi ang It’s Showtime, marami ang mawawalan ng trabaho. Dapat daw mag-isip ng bagong format na puwedeng ipantapat saKalyeSerye. Global phenomenon na ito at mahirap ng habulin.

Kaya ang tanong, ano kaya ang plano ng Kapamilya para harapin ang malakas nilang kalaban?

Nag-klik ang KalyeSerye dahil maganda ang tema na tinutumbok ng istorya. Makalumang tradisyon at muling ibinabalik ang mga tao sa panahon noong araw. Karamihan kasi sa mga teleserye ngayon,  ay nag aaway ang mga karakter. Nag-aagawan sa lalaki, nagpapatayan,  at kung ano-ano pa.

Nakapapagod ding manood ng teleseryeng sigawan at naghahabulan para magpatayan. Wala ng bagong idea. Maawa kayo sa mga nagdurusang manonood.

SHOWBIG – Vir Gonzales