HATAW! D'yaryo ng Bayan hatawtabloid.com
ni ROLDAN CASTRO .
MALA-PRINSESA ang pagpapahalaga ng TV5 sa anak ni Eat Bulaga Dabarkads Ruby Rodriguez na si Toni Aquino.
Sa episode ng Happy Truck Ng Bayan noong Linggo, na ginanap sa Marikina High School, pinalibutan ng mga nagguguwapuhang Kapatid kilig stars na sina Mark Neumann, Akihiro Blanco, Vin Abrenica, Martin Escudero, at Alwyn Uytingco si Toni sa kanyang bonggang Twerk It Like Miley birthday dance number.
‘Di napigilan ni Toni ang maluha nang awitan na siya ng mga HAPPYPEEPS sa pangunguna ni Gelli de Belen.
Ani Toni, damang-dama niya raw ang pagmamahal ng mga Kapatid niya sa TV5, lalo na ang mga HAPPYPEEPS ng Happy Truck Ng Bayan.
Binati rin ng maligayang kaarawan ng Happy Truck Ng Bayan ang kanilang guest co-host na si Ruffa Gutierrez. Nakasabay ni Ruffa sa pakiki-fiesta ang Showbiz Konek Na Konek host at Mac & Chiz star na si Bianca King. Parehong ikinuwento ng dalawa sa kani-kanilang mga social media accounts ang masayang experience nila sa lingguhang fiesta na hatid ng Happy Network.
Magkakaroon ng ikalawang season ang daily showbiz program ni Bianca samantalang magkakaroon naman ng comedy sitcom si Ruffa sa TV5.
