Upgrade, inapi ng producer ng show nina Charice at Rufa Mae

MATABIL – John Fontanilla . 

HINDI naiwasang malungkot ang UPGRADE nang biglang kanselahin ng producer ng Japan show nina Charice Pempenco at Rufa Mae Quinto (Lovely Explosion) na si Lovely Ishii ng Loyds International Marketing ang show na dapat magaganap sa April 11-12 na postponed ng June 20-21 dahil nagkasakit daw ang producer.

Kasama dapat sa nasabing concert ang UPGRADE, pero habang papalapit na ang show ay bigla na lang tinanggal ng Lovely Something! ang grupo at ni singkong duling ay hindi man lamang binayaran. Naging masigasig pa naman sa pagpo-promote at ipina-blocked na ang nasabing schedules para ‘di tumanggap ng ibang commitments.

Mistulang kinawawa nito ang mga bagets na umaasang makakasama sa show pero hindi pala. Grabe pa man din ang hirap ng mga ito sa pag-aayos ng mga requirement para sa Japan Visa ‘yun pala ay wala silang mapapala.

Hindi pa tumanggap ng ibang show ang UPGRADE na ang ending pala ay aalisin sila sa line up na magpe-perform sa Japan.

Anong klaseng tao naman itong si Lovely something na hindi maayos makipag-deal sa mga local artist? Kung sabagay, karma-karma lang ‘yan. Kung ano ang ginawa mo sa kapwa mo ibabalik sa ‘yo.