Kim at Kiko, ‘mahal’ na ang tawagan pero ‘di pa raw mag-on

MA at PA – Rommel Placente . 

SABI nina Kim Rodriguez at Kiko Estrada, magkaibigan pa lang sila at hindi pa mag-on.

Nanliligaw pa lang daw si Kiko kay Kim at willing siyang maghintay kung kailan siya nito sasagutin.

Hindi ‘yun totoo. Ang totoo ay mag-on na sila. Ang tawagan nga nila ay ‘Mahal’. Narinig namin ‘yun mula mismo kay Kim nang tawagin niya si Kiko.

Nakasama kasi namin ang dalawa noong dumalo kami ng birthday party ng aming common friend na si Arlene. Tawa nga ng tawa si Kim noong niloloko namin siya na ‘mahal’ ang tawagan nila ni Kiko.

Ewan ba namin dito kina Kiko at Kim kung bakit kailangang i-deny pa nila ang relasyon nila. Para namang makaaapekto sa career nila kung aamin sila, ‘di ba? Sila naman kasi ang loveteam, makaaapekto ‘yun sa kanila kung sa iba sila itinatambal.