Hero, wala nang dating sa pagbabalik-showbiz

MA at PA – Rommel Placente

NAGBALIK-SHOWBIZ si Hero Angeles. Napanood siya rati sa isang serye ng ABS-CBN 2. Pero walang impact ang pagbabalik-showbiz niya, hindi siya pinag-usapan.

Ibig sabihin nito, hindi na siya tinanggap ng publiko. Hindi na talaga maibabalik ang kasikatang tinamasa niya noong ka-loveteam niya pa si Sandara Park.

Kung bakit naman kasi naisipan niya at ng kuya Henry niya na kalabanin noon ang ABS-CBN 2 na siyang nagpasikat sa kanya, ayan eh, ‘di nawalan siya ng career at tuluyan na ngang nalaos.

Lumipat siya noon sa GMA 7 pero hindi na rin siya nito nagawang pasikatin.

Pasalamat nga siya na sa kabila ng ginawa niya sa Kapamilya Metwork ay nagawa pa rin siya nitong bigyan ng project.