Paras family, ‘di ligtas sa batikos from social media, taboo man sa bahay nila ang mga dyaryo

 

ni Ronnie Carrasco III

PLAIN “Jackie” na lang ang form of address ng mga anak ni Benjie Paras na sina Andrei at Kobe sa kanilang ina.

Bagamat kailangan ding unawain where these kids are coming from, saan mang anggulo tingnan ay maliwanag na kawalan ‘yon ng respeto ng anak sa babaeng nagluwal sa kanya, gaano man kasumpa-sumpa ang inang ‘yon.

Kung nakukuha nga nating tawaging “tito” o “tita” ang mga nakakabungguang-siko natin sa showbiz—gayong hindi naman natin tiyuhin o tiyahin ang taong ‘yon—why can’t Andre and Kobe call their mom “Mama” or “Mommy” kahit pabalat-bunga man lang?

Ipagpalagay na nating mga bata pa sina Andre at Kobe, their father Benjie should take full responsibility para isaksak sa kukote ng mga anak niya that after all, Jackie Forster is still their mother.

Worse, sa halip na kahit paano’y ilapit ng ngayo’y misis ni Benjie na si Lyxene sina Andre at Kobe sa kanilang ina ay tila ginagatungan pa niya ang mga ito para manaig ang galit para kay Jackie.

Samantala, we can come up with the worst items written about Benjie, his wife and kids nang wala kaming matatanggap na pagpuna o violent reactions from them. And why? No-no as in taboo pala sa Paras household na magbasa ng mga diyaryo—broadsheets at tabloids—para hindi na rin sila maapektuhan.

But call it “cul-de-sac” sa wikang French, isang sitwasyong hindi maaaring takasan. Paano ang social media—Facebook, Twitter, Instagram and the like—na nagre-react din naman ang pamilya Paras sa mga makatwirang batikos laban sa kanila, aber?