HATAW! D'yaryo ng Bayan hatawtabloid.com
ni Dominic Rea
ACTUALLY hindi kami totally nakinig the whole time while ongoing ang presscon ng pelikulang Stars Versus Me na pinagbibidahan nina Manolo Pedrosa at Maris Racal under Tandem Productions sa direksiyon ni Joven Tan.
Paano naman kasi, nasa dulong table kami at medyo maiingay ang katabi kong mga bakla! Pero noong katsikahan na namin sa isang table after the presscon sina Maris at Manolo, bigla ko lang naramdaman ang kilig sa dalawa na nauna ng umaming hindi pa sila handang ma-inlove in real-life dahil pareho naman daw silang may priorities in life. Lalo na ngayong pareho pa lang din silang nag-uumpisa sa kanilang mga karera.
In fairness, ang ganda ng pelikulang SVM. ‘Yung pagkakalatag ng kuwento ng bawat karakter sa pelikula. ‘Yung istorya ng pelikula. ‘Yung shots ni direk Joven ay mararamdaman mong oo nga, ganoon talaga ang tadhana!
Ang pelikulang ito ay patungkol sa mga taong mahilig sa horoscope. Si Maris din ang umawit ng themesong na Itanong Mo Sa Bituin na kabilang din sa OPM Fresh na inilunsad lang kamakailan ng Star Music.
Something new ang pelikula guys. Basta. Panoorin natin dahil showing na ito ngayong June 3 in cinemas nationwide!!!
