2 lady cop hinipuan ng judge

LEGAZPI CITY – Nahaharap sa kasong acts of lasciviousness ang isang judge sa lalawigan ng Albay.

Kasunod ito ng panghihipo sa dalawang policewoman na ginawa niyang security aide.

Kinilala ang huwes na si Judge Ignacio Barcillano Jr. ng RTC Branch 13, Ligao City.

Sa impormasyon, nasa impluwensiya umano ng alak ang opisyal nang ipatawag ang dalawang biktima sa kanyang opisina.

Habang nasa loob, ipina-surrender niya ang mga armas sa kanya at nang hawak na ang mga baril, agad ikinasa ang isa sa harap ng dalawang babaeng pulis na sina alyas Janel at Jessie.

Pagkaraan ay hinipuan ng judge ang dalawa sa maseselang bahagi ng katawan. Agad nakapagsumbong sa kanilang opisyal ang dalawang pulis at mismong ang PNP regional director sa Bicol ang nag-utos na magsampa ng kaso laban sa judge.

Tahimik ang kampo ng huwes sa akusasyon laban sa kanya.