HATAW! D'yaryo ng Bayan hatawtabloid.com
PINAKAKASUHAN na ng Department of Justice (DoJ) sa korte ang mga recruiter ng drug convict sa Indonesia na si Mary Jane Veloso.
Sa rekomendasyon, tinukoy ng lupon na may sapat na basehan para kasuhan ng illegal recruitment si Maria Kristina Sergio at kinakasama niyang si Julius Lacanilao.
Bukod sa pamilya Veloso, nagbigay rin ng testimonya ang anim katao upang mapagtibay ang mga alegasyon laban sa dalawang suspek.
Una rito, sinabi ni Justice Sec. Leila de Lima, may hawak silang mga ebidensya na magpapatunay na naging drug mule sina Sergio at Lacanilao bago sila naging illegal recruiter.
Patuloy na naghahanap ng mga testigo ang DoJ upang matunton kung anong sindikato ang may hawak sa kanila.
Humarap para sa panig ng mga suspek ang dalawang abogado mula sa Public Attorney’s Office (PAO).
