HATAW! D'yaryo ng Bayan hatawtabloid.com
HIT na hit ngayon sa girls ang newest boygroup ng Star Music na Harana na binubuo ng apat na pinakakikiligang Kapamilya heartthrobs na sina Joseph Marco, Bryan Santos, Michael Pangilinan, at Marlo Mortel.
Matapos ilunsad kamakailan sa ASAP 20, sunod-sunod na ang blessing na natatanggap ng singing quartet. Patunay dito ang mabilis na pamamayagpag sa radio hit chart ng una nilang single na Number One at ang pagkapili sa kanilang Baby I Need Your Lovin, bilang official theme song ng box office movie ng Star Cinema na pinagbibidahan nina Toni Gonzaga at Coco Martin.
Ang Number One ay maaari pa ring mai-download sa pamamagitan ng online music stores katulad ng ITunes, Mymusicstore.comph at Starmusic.ph. Ito ay bahagi ng pinakabago at pinakaaabangang compilation album ng Star Music na OPM Fresh na nagtatampok sa ilan sa promising singers sa bansa.
ni Maricris Valdez Nicasio
