Kelot kritikal sa sumpak 2 bebot nadamay

KRITIKAL ang kalagayan ng isang lalaki habang tinamaan ng shrapnel ang dalawang babae nang sumpakin ng dalawang suspek na sinasabing gumagamit ng droga sa Tondo, Maynila kamakalawa ng gabi.

Ginagamot sa Jose Reyes Memorial Medical Center (JRRMC) ang biktimang si Jose Romero, 31, ng Panday Pira St., Tondo Maynila.

Habang isinugod sa Universit of Santo Tomas Hospital ang mga biktimang sina Maria Elena Rontos, 26, ng San Sebastian St., Tondo; at Erikca Joven, 18, ng Geron St.,Tondo.

Samantala, tinutugis ng mga awtoridad ang mga suspek na sina Jeremy Norada, at Gilbert Matias, nasa hustong gulang, na pawang residente ng Romualdez St., Tondo, mabilis na tumakas makaraan ang insidente.

Sa ulat kay Supt. Redentor Ulsano, station commnader ng PS 1 Raxa Bago ng Manila Police District, dakong 9:51 p.m. nang maganap ang insidente sa Romualdez St., Tondo.

Nakatayo ang mga biktima sa lugar nang ilabas ng supsek ang kanyang sumpak at walang sabi-sabing pinaputukan si Romero na ikinadamay ng dalawang babae.

Hinihinalang droga ang motibo sa panunumpak nang mapag-alaman na gumagamit ng ipinagbabawal na gamot ang dalawang suspek.

Leonard Basilio, may dagdag na ulat sina Mary Joy Sawa-An, Darwin Macalla at Joshua Moya