Korona ni Ai Ai, muntik maglaho

ni Vir Gonzales

NAIBALIK ng Kapuso ang koronang muntik nang mawala bilang Comedy Queen kay Ai-ai delas Alas. Kung hindi pa nag-decide na magbalik bahay sa GMA posibleng mawala ang koronang hawak niya.

Nakaramdam kasi ng unti-unting paghihina noon si Ai-ai nang gumawa sila ng movie nina Kim Chiu at Xian Lim. Noong mag-concert naman sana, nabulilyaso at nauwi sa drawing, inaalat siya.

Natakot talaga si Ai-ai, kaya’t nagdesisyong lumipat na tutal hindi naman pinipigilan nang magpaalam sa ABS CBN. Isa pa, nasikipan din marahil si Ai-ai sa mundo niya roon with Kris Aquino. Hindi na siya maligaya, sabi nga ng iba.

***

Personal…Masayang kapistahan ng Sabang, Baliuag, Bulacan ang magaganap, ngayong Mayo 4. Sa mga taga-Baliuag, isa sa pinakamatinding magdiwang ang naturang barrio. Pangulo ng kapistahan si Konsehal Jess Patawaran at kababaihan si Mercedes Mangahas. Natatalbugan ng Sabang, sa pagdiriwang mismo ang kabayanan ng Baliuag, kaya dinarayo ng mga mamimista lalo ng mga dose-dosenang musiko na hindi kayang imbitahan ng ibang bayan. Maligayang Kapistahan.