IG account ni Daniel, na-hack na naman; communication sa fans posibleng matigil

ni Alex Brosas

MUKHANG nawalan na ng gana si Daniel Padilla na mag-maintain ng Instagram account after ma-hack recently ang kanyang account.

Actually, pangalawang beses nang na-hack ang social media account ni Daniel. This time, pauwi na sila ni Kathryn Bernardo ng Pilipinas matapos magtanghal sa US nang ma-hack ang Instagram account ng actor. Ang kapartner pa niyang si Kathryn ang nag-announce sa kanyang Instagram account na na-hack ang account ni Daniel.

Sabi ng pamangkin ni Robin Padilla, inaayos na ang kanyang account. Pero kapag hindi naayos ay parang nawalan na siya ng gana na magbukas pa ng bagong Instagram account.

Marami siguro ang magwawala kapag nawalan na ng tuluyan si Daniel ng IG account. Ang dami niyang fans na tiyak maiimbiyerna sa kanya. Kasi naman, iyon lang ang communication niya para maiparating ng fans ang pagmamahal nila sa actor. Isa pa, talagang kailangan ni Daniel ng IG account para kung mayroon siyang bagong announcements ay maitatawid niya iyon sa kanyang mga supporter.