HATAW! D'yaryo ng Bayan hatawtabloid.com
ni Roldan Castro
NATABUNAN na ang pinag-uusapang pagbubuntis ni Empress Schuck dahil sa pag-amin ni Marian Rivera na nagdadalang tao. Panay ang biruan ngayon na binilisan nina Dingdong Dantes at Marian ang magka-baby.
Kung sabagay, kasal naman sila kaya nasa ayos ang lahat.
Ano raw ang mangyayari sa bagong serye ni Marian ngayong tes-bun na siya? Posibleng mag-imbak sila ng maraming episodes bago lumaki ang tiyan niya.
Nahihirapan ang Primetime Queen sa paglilihi. Naghahanap siya ng White Rabbit na kinakain ang balat. Puro puti raw ang hinahanap niya ngayon. Ayaw din niya ng pabango na sobrang tapang.
“”Every morning nagsusuka talaga ako, tapos may times na kahit hindi masyado malayo ang biyahe, madalas akong nahihilo so sabi ko okay lang kaya kong tiisin lahat ng sakripisyong ‘yun kung ang kapalit naman niyon ay isang magandang biyaya sa Panginoon,” deklara niya.
