HATAW! D'yaryo ng Bayan hatawtabloid.com
ni John Fontanilla
NAKAKALOKA ang kaartehan at pagpi-feeling big star ni Ella Cruz at ng ina nito sa katatapos na SMAC TV Prod. Earth Hour Show na ginanap sa Lapu Lapu Luneta Grounds.
Kami mismo ang nakasaksi sa paglobo ng ulo ng mag-inang ito na matagal na naming kilala noong nasa bakuran pa lang ng GMA 7 na sobrang bait ng mag-inang ito.
Mukhang ang bilis naman pumasok sa isipan ng mag-inang ito na sikat na sila at puwede ng lumebel sa kasikatan ng mabait at very sweet pa ring si Kathryn Bernardo na ang totoo ay kung hindi nagpa-sexy sa Bagito ay hindi makikilala ng kapiranggot.
Ang siste, pagdating pa lang ng nasabing venue ay nag-strike one na ito sa kaartehan na ayaw pumunta ng dressing room dahil may ibang artists na naroon, ang gusto pa yata ay magsolo at paalisin ang ibang nasa dressing room.
Pangalawa, nanatili sa isang sulok ng backstage dahil nakitang maraming artists na na naroon.
Pangatlo, nang kukunan ng litrato kasama ng ibang artists ay nagtanong ng,”Para saan yan?? at kinailangan pang pilitin ng producer para magpa-picture.
Sana’y magising sa katotohanan ang mag-inang ito na hindi pa big star si Ella para umasta ng animo’y sikat na sikat.
SMAC TV EARTH HOUR SHOW, LIBO-LIBO ANG NANOOD!
NAGING matagumpay at dinumog ng libo-libong tao ang Earth Hour show na ginanap last Sunday, March 28 sa Lapu Lapu Luneta Grounds na hatid ng SMAC TV Productions at sa pakikipag tulungan nina Ms. Elizabeth Espono (director ng National Parks and Development commitee),Ms. Shiel Javier (marketing specialist), at Ms. Flor and Ms. Gie at ng Mogu Mogu.
Malakas na tilian ang isinukli ng mga manonood sa bawat performances ngGawad Kabataan Ambassadors na sina Justin Lee at Teejay Marquez at Gawad Kabataan Correspondents na sina Angelica Feliciano, Chester Chua,Prince Teodoro, Greco Gonzalo, at iba pang SMAC artists na sina Sky Cornejo, Rain Calaunan, Sarah Gee, Megan Caguiat , Erwin John Cadelina,Carla Zara, Cariza Llena, at Grey Capulong.
