HATAW! D'yaryo ng Bayan hatawtabloid.com
ni Ed de Leon
NATUTUWA naman kami sa narinig naming minsan pa ay nalampasan na naman ng singer na si Joey Albert ang colon cancer. Matapos siyang operahan sa colon cancer din noong 2003, nalamang nagbalik pala iyon nitong nakaraang Enero, kaya kailangan siyang operahan ulit noong nakaraang linggo.
Nauna riyan, sinasabing may cervical cancer naman siya noong 1995, pero gumaling naman yata iyon. Nang bumalik, colon cancer na at iyan na nga ang ikalawa niyang operasyon.
Nakalulungkot ding isipin na ang isa pang singer, si Roel Cortez, na nagpasikat noon ng mga kantang Baleleng at Napakasakit Kuya Eddie ay namatay naman noong nakaraang Miyerkoles Santo, dahil din sa colon cancer.
Traydor na sakit talaga iyan at dapat sana tumatama lang sa mga taong sinungaling at ayaw mag-sorry.
