Ulo ng binatilyo sabog sa Russian roulette

CAUAYAN CITY, Isabela – Sabog ang ulo ng isang binatilyo na naglaro ng Russian roulette sa bayang ito kamakalawa.

Ang nag-iisang bala na pinaikot sa de bolang baril ay pumutok at tumama sa ulo ni Melvin Evangelista, 17, nag-aalaga ng itik at residente ng Minagbag, Quezon, Isabela.

Sa imbestigasyon ng Roxas Police Station, dakong 9 p.m. kamakalawa, nag-iinoman sa Matusalem, Roxas, Isabela si Evangelista kasama sina Angelito Evangelista, Reece Rivera at apat na iba pa nang magkatuwaan silang maglaro ng Russian roulette.

Tinanggal ni Melvin ang limang bala ng kanyang caliber .38 snubnose revolver na walang serial number at iniwan ang isa.

Sinabi ng binatilyo na siya ang unang maglalaro kaya pinaikot niya ang cyclinder ng baril, itinutok sa kanyang sentido at kinalabit ang gatilyo.

Agad namatay ang binatilyo makaraan pumutok ang baril at sumabog ang kanyang ulo.