Binoga sa loob ng bahay mag-asawa patay

KAPWA patay ang isang empleyado ng law firm at ang kanyang misis makaraan pagbabarilin sa loob ng kanilang bahay kahapon ng madaling-araw sa Maynila.

Dakong 2 a.m. kahapon nang nang makarinig ang mga residente ng sigaw ng isang babae mula sa inuupahang bahay ng mga biktima sa 503 Geronimo Street, Sampaloc na nasundan ng pitong putok ng baril.

Pagkaraan ay natagpuang nakabulagta si Ronaldo Batoto, 35, at misis niyang si Nina, kapwa may tama ng bala ng baril sa balikat at dibdib.

Habang hindi idinamay ang ng mga suspek ang 5-anyos anak ng mga biktima.

Walang nakitang indikasyon na pwersahang pinasok ng hindi pa nakikilalang suspek ang bahay ng mga biktima.

Salaysay ng mga saksi, makaraan ang insidente, isang matangkad na lalaking nakasuot ng itim na jacket ang napansing mabilis na umalis sa lugar at sumakay sa isang puting kotse na tumakas patungo sa bahagi ng Lacson Avenue.

 

Inilipat na ng pulisya sa pangangalaga ng Department of Social Welfare and Development (DWSD) ang naulilang bata.

(LEONARD BASILIO)