HATAW! D'yaryo ng Bayan hatawtabloid.com
ISANG bebot na sinasabing asset ng mga pulis ang binigti ng almabre at isinilid sa garbage box ang natagpuan sa Delpan Bridge, sa Maynila, kahapon.
Sa imbestigasyon ni SPO2 Milbert Balingan, ng Manila Police District-Homicide Section (MPD-HS), tinatayang nasa 20 hanggang 25-anyos, 5’2 ang taas, mahaba at blonde ang buhok, nakasuot ng pink polo shirt, brown short pants at walang sapin sa paa ang bangkay ng babae na natagpuan ng isang sekyu na si Rogelio Figedero, Jr., PPA Security Agency.
Binalot muna ng asul at dilaw na malong, nilagyan ng packaging tape ang mga paa, habang nakakabit pa ang alambre na pinansakal, saka isinilid sa itim na garbage bag bago inilagay sa kahon, ang bangkay ng biktima.
Malaki ang teorya ng pulisya na pinahirapan at pinatay ang biktima sa ibang lugar saka itinapon sa ibabaw ng Delpan bridge para iligaw ang imbestigasyon.
Dinala ang bangkay sa St. Rich Funeral para sa awtopsiya at safekeeping.
(LEONARD BASILIO)
