Rachelle Ann, paboritong ligawan ng mga male singer

 
ni Reggee Bonoan

SOBRANG haba pala talaga ng buhok ni Rachelle Ann Go dahil nalaman namin na pati pala siJed Madela ay nanligaw sa kanya noong maghiwalay sila ni Christian Bautista.

Yes Ateng Maricris, ‘di ba kailan lang ay inamin din ni Mark Bautista na nanligaw siya sa dalaga at nauna raw siya sa lahat dahil panahon pa ito ng Search for A Star.

At noong nakaraang taon naman ay umamin din si Erik Santos na nanligaw siya kay Rachelle pero noong nagsabi raw si Christian na liligawan niya ang dalaga ay nagparaya ang grand champion ngStar In A Million.

Mabuti na lang hindi kasabayan ni Rachelle Ann sina Jovit Baldivino at Marcelito Pomoy ngPilipinas Got Talent dahil baka pati sila ay pumila rin sa dalagang singer.

Anyway, ayaw na mag-elaborate ni Jed kung anong nangyari sa panliligaw niya kay Rachelle, basta’t mas nag-click daw na maging magkaibigan na lang sila.

At ibinuking ng katotong Jobert Sucaldito na dibdiban palang manligaw ni Jed dahil panay daw ang padala ng bulaklak at tsokolate sa dalaga na nauwi lang sa wala.

Eh, sana pala hinanap ni Jed ang chocolatier na nagturo kay Paulo Avelino kung paano gumawa ng tsokolate kaya niya napaibig at nabilaukan si Bea Alonzo sa eksena sa seryeng Sana Bukas Pa Ang Kahapon.

Oo nga, eh, ‘di sana nabilaukan din si Rachelle sa sobrang sarap ng tsokolate ni Jed, di ba Ateng Maricris?

Seriously speaking, nag-move on na si Jed dahil as of now ay hindi na siya naghahanap ng babaeng liligawan niya, ”come what may na lang kasi as of now, I’m too busy din naman sa rami ng shows, so ito na lang muna ang concentration ko,” paliwanag niya sa ginanap na presscon para sa nalalapit na birthday concert niya sa Hulyo 4 sa Music Museum na may titulong Jed Madela All Requests.